PQVNL

Lo collectiu Per Que Viscan Nòstras Lengas (PQVNL), que l’IEO ne fa partida, aviáinterpelat los candidats e candidatas a l’eleccion presidenciala per fin de lor demandar d’exprimir lors posicions sus de punts essencials per las nòstras lengas (ensenhament, vida publica, cultura…) Publicàvem las responsas aquí meteis.

Una escasença electorala novèla se sarra, per aquò es als candidats e candidatas a las eleccions legislativas 2022 que lo collectiu desira ara s’adreiçar.

Per aquò los membres del collectiu PQVNL elaborèron un questionari, de consultar en linha, qu’es d’emplir per cada candidat o candidata a l’eleccion legislativa, o lo sieu representant.

Comptam fòrça circonscripcions, e per consequent fòrça candidaturas, d’un brave nombre de partits e movements, sus l’ensemble de la region Occitània. Aital, cridam cada associacion afiliada o aderenta coma cada membre de l’Institut d’Estudis Occitans a mandar aqueste questionari als candidats o candidatas de la siá circonscripcion o de las circonscripcions vesinas, aquò per tal de nos ofrir la garantda d’obténer un maximum de responsas, que determinaràn las politicas que seràn menadas en favor de nòstras lengas del temps de la mandatura que s’avia.

Los delais son justets (lo collectiu anóncia que las responsas seràn recebudas duscas al 31 de mai), l’escasença es pròcha, per aquò la mobilizacion de totes e totas es absoludament vitala.

Avèm mestièr de tot lo monde, mercés de far virar !

Pin It on Pinterest

Share This