Coordinacion
L’IEO OPM coordina l’ensemble de las seccions departamentalas e dels cèrcles afiliats IEO per la Region Occitània / Pirenèus- Mediterranèa. Gràcias a sa coneissença del malhum, es l’interfàcia ideala per centralizar las demandas e las informacions en respectant l’identitat e lo foncionament pròpris a cada estructura.
Per aquò, l’IEO OPM representa concrètament las associacions del malhum al prèp de la poténcia publica. I a aital un sol interlocutor per de detzenas d’associacions, çò qu’aisina bèlament los escambis !
Lo nivèl d’estructuracion de las associacions es diferent segon los cases : d’unas foncionan sonque amb de benevòls del temps que d’autres an un o mai d’un salariat ; d’unas an un local quand d’autras utilizan de salas pontualament, segon lors talhièrs e corses. Los besonhs apareisson doncas diferents. L’IEO OPM ofrís un servici especializat concernissent l’aspècte administratiu, comptable o social.
L’IEO OPM assegura la gestion de sosten financièr per d’unas manifestacions literàrias qu’unisson la DRAC e las seccions departamentalas de l’IEO.
Enfin, de biais general, l’IEO OPM fa una velha sus las politicas e los mercats publics, que li permet de coordinar al melhor los projèctes del malhim e los quadres de finançament actual, en gardant lo contacte amb los decideires.
Animacion
Per fin de far viure e dinamizar son malhum, l’IEO OPM perpausa en permanéncia d’ajuda, de conselh e d’acompanhament a la programacion culturala occitana. Assegura una velha constanta sus la creacion culturala coma suls dispositius de finançament e las politicas publicas susceptiblas d’interessar las associacions.
Al mens doas jornadas de trabalh (amassadas) son ara organizadas dos còps per an a l’iniciativa de l’IEO OPM e al benefici de totes los associatius. L’objectiu general es la mutualizacion dels mejans, de las ofèrtas, de las idèas, practicas e conselhs entre las associacion afiliadas e lors representants (salariats coma benevòls).
L’IEO OPM perpausa tanben una ajuda personalizada que pòt anar fins a de miniformacions en matèria d’informatica, de comunicacion (grafisme, fialats socials), de lingüistica o de programacion culturala.
Comunicacion
L’IEO OPM dispausa de maites aisinas e servicis en matèria de comunicacion. Totes an vocacion a far la promocion de las associacions del malhum e de lors accions.
▪ Lo guida
Lo Guida del Malhum repertòria las ressorsas de las associacions membras de l’IEO OPM, tanplan coma las activitats perpausadas, per estructurar melhor l’ofèrta culturala occitana a l’escala regionala. Distribuit largament sul territòri, identifica clarament los servicis, ressorsas e contactes per que lo public bèl posca identificar los interlocutors que tòcan a la lenga e cultura occitanas sus cada territòri. Sa version papièr se dobla d’una version numerica, regularament actualizada.
▪ Lo site
Lo present site es una aisina de comunicacion al servici del malhum IEO. Ne presenta las missions e las atribucions, e cartografica lo malhum e sas activitats en perpausant un vertadièr portalh numeric als IEO. Aquel site se pòt declinar pels IEO que ne fan la demanda, en permetent aital una melhora identificacion e una melhora lisibilitat de las accions.
▪ Los servicis graphics
L’IEO OPM perpausa los servicis de la siá grafista professionala per concebre tota mena de documents de comunicacion a las associacions afiliadas, per d’eveniments donats, un programa d’accions recurrentas o per la comunicacion generala de l’estructura.
▪ Los fialats socials
L’IEO OPM coordina lo malhum… suls malhums, en centralizant l’informacion e en permetent a cada associacion de demorar mèstra de sa comunicacion e de se servir del canal obèrt per la seccion regionala. La gestion dels fialats socials es aital mièg-partejada. L’IEO OPM acompanha e forma se besonh los associatius a la comunicacion sul web.
Acompanhament personalizat
Cada associacion es diferenta dins son estructuracion mas tanben dins sas envejas e sos besonhs. E es perque coneissèm plan cada associacion e son foncionament que sèm en capacitat de l’acompanhar a escriure, desvolopar, montar e portar son pròpri projècte.
Aital l’IEO OPM bòta al servici de las associacions sas competéncias en engenhariá per :
▪ Lo desvolopament de l’ofèrta de corses d’occitan per adultes.
▪ L’ajuda a la mesa en plaça de talhièrs pels publics escolars.
▪ L’organizacion de manifestacions culturalas.
E plan d’autras causas encara !
IEO OPM Servici +
Al delà de las ajuda que balha naturalament al sieu malhum, l’IEO OPM realiza de prestacions variadas e bòta a disposicion son personal e sas competéncias.
Nòstres servicis son obèrts a totas las estructuras, alavetz trantalhetz pas de nos sollicitar !
Nòstres domenis d’intervencion :
Grafisme e maquetatge
Nòstra grafista realiza d’afichas, de flyers, de desplegants per la vòstra comunicacion, mas tanben la mesa en pagina de vòstres libres, brocaduras, revistas…
![Photo by Fabian Blank pink pig figurine on white surface](https://ieo-opm.com/wp-content/uploads/pelskgra2nu.jpg)
Gestion comptabla et administrativa
Plan d’associacions nos fan fisança per las acompanhar dins la bona tenguda de lors comptes e de lor esctructura. Perqué pas vos ?
![markus-winkler-HiB5ItDg4ME-unsplash](https://ieo-opm.com/wp-content/uploads/markus-winkler-HiB5ItDg4ME-unsplash.jpg)
Conselh e desvolopament de projèctes culturals
Pensar (e escriure !) un projècte cultural es una tasca fastigosa per la quela l’IEO OPM vos pòt ajudar.
![Carte Occitanie OPM](https://ieo-opm.com/wp-content/uploads/Carte-Occitanie-OPM-scaled.jpg)
Lenga e cultura occitanas
L’IEO es especialista de la question occitana dempuèi 1945. Respondèm a las demandas que nos son formuladas dins aquel sens, o vos acompanham cap als bons operators.
![A4pub_service_civique](https://ieo-opm.com/wp-content/uploads/A4pub_service_civique.jpg)
Servici Civic
Nòstre agradament de Servici Civi nos permet de botar a disposicion d’un organisme tèrç un·a jove en Servici Civic. S’agís d’intermediacion.
Per totes aquestes servicis, un sol biais de far :