Actualitats del Malhum IEO OPM
Lo Diari fa omenatge a Robèrt Lafont
2023 marca lo centenari de Robèrt Lafont, una figura màger de l’occitanisme. Ongan, maitas celebracions se debanan donc. L’IEO OPM desirava participar a aqueles omenatges en editant un numèro fòra seria del sieu magazine cultural Lo Diari, entièrament centrat sus Robèrt Lafont e la siá òbra, en s’atorejant de personalitats especialistas de facietas diferentas de l’òme.
« Òc en Cese » 2023 per Parlars d’Aicí
L'associacion Parlars d'Aicí organiza aquel 29 de setembre al castèl de Montalet, a Molièiras de Cese (Gard), son "Òc en Cese" 2023. Ne vaquí lo programa :10 oras - Recampament amont d’aut, parcatge de carris dau castèl (seguir lo camin balisat ; s’i pòt pujar de pè) 10 oras e...
Un novèl cors d’occitan a Carcassona
Un novèl cors d’occitan dobrís ongan a Carcassona (Aude) ! A comptar del 20 de setembre, rendètz-vos dins los locals de la Calandreta de la Barbacana. Aquel cors pels començaires-començaires se farà cada dimècres a 18h30 e serà assegurat per Quentin Peyras.
Un fòra seria e un eveniment sus Robèrt Lafont amb Lo Diari
Lo Diari, magazine editat per l’IEO OPM, fa omenatge a Robèrt Lafont, amb un fòra seria e un eveniment. Rendètz-vos lo 30 de setembre a la BEP de Tolosa.
Lo Diari n°75, traduire sens traïr
Lo Diari, magazine cultural editat per l’IEO OPM, parla lenga de traduccion per un numèro de rintrada plan literari, mas pas sonque.
« Un pont al dessús de la mar granda », filme sus l’amistat entre Osages e Occitans
Un pont au-dessus de l’océan es un filme de Francis Fourcou que seguís lo rescontre de dos pòbles, los Osages d’Oklahoma e los Occitans. A recebut lo sosten de l’IEO OPM e de maites associatius de la ret, per ajudar a son finançament, sa sortida e sa distribucion.
Una primièra fèsta del país de Cocanha a Caramanh
Lo dissabte 16 de setembre, l’associacion País de Cocanha organiza sa primièra fèsta a Caramanh, La Cramanhòla.
Compte rendut d’amassada generala de l’IEO d’Òlt 2023
A l’escasença de l’Amassada Generala de l’IEO d’Òlt, lo 18 de junh de 2023, l’associacion organizèt un repas partejat e en seguida una passejada poetico-musicala d’una ora e mièja orquestrada per Guillaume Roussilhe ambe la complicitat d’Oliver Cocatrix, Philippe Sahuc, Xavier Vidal e la corala Viure e Cantar. Aquela deambulacion se debanèt a La Ròca dels Arcs e encantèt un quarantenat de personas. Puèi tot lo mond se’n anèt dançar al balèti menat pels Barjacaires per acabar aquela jornada.
« Desvolopem l’ensenhament de las lengas de França ! » – un eveniment regional
Lo dimècres 5 de julhet se farà, a l’Ostal de Region Occitania a Tolosa, una jornada dedicada al desvolopament de l’ensenhament de las lengas regionalas en França, dos ans aprèp lo vòte del tèxte dit « Lei Molac ». Actors de l’Educacion, associatius, expèrts e elegits escambiaràn a l’entorn de la lei e de la siá mesa en òbra, de la generalizacion de l’ofèrta d’ensenhament, dels rapòrts amb Estat, collectivitats e diferents operators.