Lo Cercle occitan de Coserans, ajudat pel grop folcloric Liadoures, ven de sortir un disc de cançons del país de Massat (Arièja). A l’origina del CD, Pierre Subra, qu’aviá un libreton escrit per un regent del vilatge en 1887 ont se trobavan mantun tèxte en occitan, amb lors musicas. S’i apondèron d’autres cants, de Jean-Maire Servat, felibre del parçan. Aqueste trabalh, enlà l’òbra de transmission, es tanben una aventura collectiva e intergeneracionala, puèi que son los abitants del canton que prèstan lors voses, joves e vièlhs ramosats, amb lo concors de las collectivitats localas.