Lo Ceucle occitan setòri e los ceucles de la riba de l’estanh capitan, après 3 ans d’una regularitat requista, de far dintrar la parucion de lor d’ara ençà tradicional almanac dins las acostumas del monde. Jamai dos sens tres, çò dison ! Dins aquesta edicion 2024, i trobarem una evocacion de l’artista Pèire François, de Brassens, d’escrivans e de monuments, d’apròchis de las emblematicas ajustas e de la lenga de l’endrech… Totjorn amb una tras que polida maqueta e d’illustracions ricas que ricas !