Actualitats del Malhum IEO OPM
Retorn sus l’AG de l’IEO del Vilafrancat
Dins la mira de sosténer lo malhum e las associacions mai particularament, l’IEO OPM ensaja d’anar encontrar lo mond associatiu dins son parçan. Es l’escasença de discutir e veire cossí podèm melhor ajudar cadun. Aital lo 14 de genièr passat, Eric Fraj e Cathy Lacroix – lo president e la directritz – anèron participar a l’AG de l’IEO del Vilafrancat.
L’IEO region Occitania en visita a La Ciutat de Pau
Aqueste diluns 23 de genièr, la còla salariada de l’IEO region Occitania e lo sieu president avián convengut d’anar vistalhar La Ciutat, tèrç-lòc dedicat a la lenga e a la cultura occitana dreit espelit dins lo barri del Hedars, a Pau. I sèm estats amistosament aculhits pel president de l’associacion gestionària e de salariat-da-s per una passejada pel complèxe, d’un ample e d’una ambicion sens parièr.
Tòrna la Dictada !
La Dictada Occitana tòrna, per la siá 26ena edicion ! Se farà lo dissabte 28 de genièr de 2023, levat qualques excepcions, en simultanèu dins maitas vilas d’Occitania bèla, del País Valencian e de Catalonha.
Lo Diari n°71 tomba a Tolosa
Aquò’s segur : la frucha tomba gaire luènh de l’arbre, amb aqueste numèro del Diari, lo magazine cultural editat per l’IEO OPM, tot entièr dedicat a la vila de Tolosa, siá… lo sieu lòc d’elaboracion.
L’IEO OPM e Lo Diari vos desiran una bona annada
La còla de l’Institut d’Estudis Occitans e del magazine en occitan Lo Diari vos desiran una plan bona annada 2023, al servici de la lenga e de la cultura occitanas !
Peticion : una plaça vertadièra per las literaturas en lengas regionalas
Fa qualques tempses, lo jornalista Michel Feltin-Palas suggerissiá dins sa letra setmanièra qu’una plaça foguèsse faita dins los programas escolars a las literaturas en lengas regionalas. Una peticion es estada lançada dins aqueste sens.
Collòqui euroregional « Agaches » lo 9 de decembre
Lo divendres 9 de decembre es orgnizat al Narbo Via (Narbona) un Collòqui euroregional dels espacis occitan e catalan, Agaches. L’IEO region Occitania sosten l’eveniment e lo sieu president Eric Fraj intervendrà del temps de la taula redonda del matin, a l’entorn de « Lenga & Cultura ».
Decès de Pau Burgan
Es amb pena e emocion qu’aprenèm lo decès de l’amic Pau Burgan. Occitanista despuèi son jove temps, militant infatigable, Pau foguèt president de l’Institut d’Estudis Occitans de Tarn e Garona de 2009 a 2018. Era tanben un escrivan, un cercaire en onomastica e toponimia, que nos daissa d’òbras importantas.
Recampament per l’occitan a la television lo 23 de novembre
Lo Collectiu occitan, que l’IEO OPM ne fa partida, crida a un grand recampament aquel dimars 23 de novembre a miègjorn, al còp davant los sètis de França 3 Tolosa e Montpelhièr, per defendre una preséncia mai importanta de la lenga occitana sus las antenas regionalas.