La còla de l’Institut d’Estudis Occitans e del magazine en occitan Lo Diari vos desiran una plan bona annada 2023, al servici de la lenga e de la cultura occitanas !
Los nòstres vòts vos son energicament portats pels bons (e musclats) oficis de la mascòta del magazine, lo Danièl Lapatana. Ne cal pas dobtar, en 2023 tanben nos calrà pedalar per las nòstras lengas… Esperam çaquelà qu’aquò serà pas dins l’aire, e que poirem obténer d’unas avançadas. Aital es nòstra resolucion !
En esperant lo primièr numèro de l’an 2023 del Diari, que vos farà descobrir Tolosa, senhalam que lo site del magazine ofrissiá per Nadal de supòrts de jòc liurament descargables e de bon utilizar, los podètz encara trobar aicí.
O vesètz : en 2023, i aurà de qué far !