Cobèrta Lo Diari n°71 "Tolosa"

“Tolosa”

Aquò’s segur : la frucha tomba gaire luènh de l’arbre, amb aqueste numèro del Diari, lo magazine cultural editat per l’IEO OPM, tot entièr dedicat a la vila de Tolosa, siá… lo sieu lòc d’elaboracion.

En realitat lo subjècte es delicat, cossí tractar amb subtilitat e curiositat çò que se costeja al cada jorn ? Nos calguèt préner un pauc de nautor, “decentrar” l’agait, una gimnastica tota occitana, per anar al rencontre de çò amagat, de çò invisible, mas tanben d’aquelas personas fantasticas que voliam absoludament aver un jorn dins las nòstras paginas ! De musica, a l’entorn de Nogaròu amb Mouss e Hakim Amokrane o en companhiá de Primaël, una passejada a la descobèrta dels barris de la Reineriá o dels Minimes, de fotografia amb Jean Dieuzaide e la galariá del Castèl d’aiga, la vida festenalièra amb Hervé Bordier e lo Rio Loco, de street art amb L’Aérochrome, de cinèma d’animacion amb Pil, sens oblidar de croncias variadas, a l’entorn de las òbras de Sèrgi Javaloyès, Sèrgi Viaule, Michel Fraysse, Haiko Yapuzu, Quentin Dupieux… N’oblidarem, alavetz per i remediar alandatz las paginas del Diari e daissatz-vos menar per las carrièras de la ciutat mondina.

Aqueste numèro vos interèssa ? Vos rapelam que lo mai important dels sotens, lo mai segur per garantir las nòstras seguretat e continuitat, nòstra independéncia editoriala e nòstra qualitat es lo vòstre. E o podètz manifestar mercés a un gèste simplàs : l’abonament al magazine. Los diferents numèros del Diari son tanben disponibles a la crompa a l’unitat.

Bona lectura !

O…