Aprèp l’eleccion d’un Conselh d’Administracion novèl del temps de l’Amassada generala ordinària de l’Institut d’Estudis Occitans region Occitània/Pirenèus-Mediterranèa clausa lo 4 de mai, los administrators e las administratrises s’acampèron lo 17/05 e designèron un burèu. Un president novèl de l’estructura es estat nomenat en la persona d’Eric Fraj, ensenhaire retirat, tanben conegut coma artista occitan. Succedís a aquel pòste a Miquèl Taiac, en exercici dempuèi 2019 e demissionari en febrièr passat.

Eric Fraj pren còp sec sas foncions ; serà notadament cargat de representar l’estructura al prèp de las collectivitats e dels poders publics, de portar la votz occitanista dels associatius de terren e de promòure l’accion culturala de proximitat. Aviá ja participat a l’organizacion de la recenta Amassada generala e prestat sa pluma al Diari, lo magazine cultural editat per l’IEO OPM.

Son tanben estats elegits al burèu de l’associacion :

Estèla MAZODIER, clavaira.
Daidièr MIR, secretari.
Joan Marc LECLERCQ, secretari adjunt.

Eric Fraj

Eric Fraj