Lo collègi de La Barraca (Baraqueville) prepausa una seccion de lenga regionala amb ensenhament de l’Istòria-Geografia en occitan (DNL). Aquela seccion es presada pels escolans e per las familhas.

A la rentrada 2020, los servicis de l’Educacion nacionala an poscut trobar, amb anticipacion, una solucion particulara e satisfasenta per far fàcia a la partença d’una ensenhanta titulara del pòste de DNL al collègi.

Ara, nos trobam amb la dificultat que cal remplaçar una autra ensenhanta d’occitan per un arrèst de trabalh fins al mes de junh, per 11 oras al collègi de La Barraca e 4 oras al de Rinhac.

La mobilization dels diferents servicis de l’Educacion nacionala es plena e entièra per recercar un remplaçant (anóncia de la Division dels personals, anóncia al Servici de l’Emplec, recèrcas de la mission academica Occitan, recèrcas fachas per l’establiment, ajuda de la DRH de proximitat d’Avairon, …)

Tota candidatura serà estudiada amb atencion, e mai foguèsse una persona debutanta per ensenhar, e la candidatura retenguda recebrà un acompanhament pedagogic.

Contacte : mission.occitan@ac-toulouse.fr / 06 46 79 78 85

Pin It on Pinterest

Share This