Cobèrta catalògue intervencions literaris 2024

Dins l’encastre d’un partenariat amb la DRAC Occitània, l’IEO OPM prepausa un catalògue d’intervencions e animacions literaris que podètz integrar a vòstra programacion duscas al 31 de decembre de 2024. Aquestas intervencions son totalament presas en carga, còstan doncas pas res a l’organizaire.

Aqueste dispositiu n’es pas a la siá primèra experimentacion, e se pòt dire que cada an creis un bricon mai ! Ne podètz tanben aprofechar e aital organizar un rescontra a la mens còsta.

Avèm fargat un document que lista totes los intervenents mobilizats en 2024, son tantes e tantas actors e actrises de la vitalitat de l’expression escrita occitana, dins de registes plan variats.

Aital poiretz ongan tornar trobar Cristian Andrieu, Franc Bardòu, Eva Cassagnet, Joan Loís Courtial, Joan Pau Ferré, Eric Fraj, Ramon Ginolhac, Paulina Kamakine, Marineta Mazoyer, Daidièr Mir, Robèrt Pastor (Bòbi lo contejaire), Alan Roch, Miquèla Stenta, Alem Surre Garcia, Joan Francés Tisnèr, Florian Vernet, Sèrgi Viaule o Gerard Zuchetto.

Consultatz lo catalògue per ne saber mai sus las òbras presentadas.

La condicion per intrar dins aqueste dispositiu ? Èsser membre de la ret IEO en region Occitània ! Contactatz-nos per tota entresenha.

Pin It on Pinterest

Share This