Lo Diari fòra seria joves #02
Pegasolet Manhac

La cultura, en occitan, pels joves

Darrièr aquesta cobèrta mirgalhada, a la quala donèrem un estile “manga”, trobaretz 20 paginas en occitan sus la cultura d’uèi (BD, serias, musica, rets socials, videojòcs…), en ligam amb las questions que traversan la societat.

S’agís de la segonda concretizacion d’una operacion menada conjuntament amb l’Ofici public de la lenga occitana (OPLO) dins l’encastre de lor Plan d’Accion Licèu : ofrir a cada licean e liceana occitanista un magazine que lor parle, e que lor parle occitan. Son pas mens de 64 establiments, sus las doas regions Occitània e Novèla-Aquitània que foguèron tocats, a l’escasença de la Setmana de la premsa e dels mèdias dins l’Escòla.

Aprèp una primièra operacion similara en 2021, aviam signat una convencion amb l’OPLO, per l’elaboracion d’un numèro “joves” per an pendent tres ans. L’accent foguèt metut sus la creacion de contenguts novèls, tanplan coma sus un rejoveniment global de l’equipa de redaccion. De mai, cada numèro es acompanhat d’un presenton, aicí un pegasolet derivat de la cobèrta, unica.

Aqueste numèro especial del Diari, magazine editat per l’IEO OPM es de legir a gràtis en linha, o de comandar en version papièr, per un prètz plan modèst.

Bona lectura !

O…

Pin It on Pinterest

Share This