Coma cada ana, Lo Diari càmbia de pèl. En aquesta sason tòrna - pel darrièr còp - una operacion annadièra, de saber la publicacion d'un numèro fòra seria de nòstre magazine Lo Diari, especialament virat cap als joves. Es distribuit dins los licèus de las regions Occitània e Novèla-Aquitània mercés a l'Ofici public de la lenga occitana (OPLO).
Cada pagina d'aquel numèro que ne compta 20 se càmbia en un univèrs diferent : mangas d'orror e animats colorats, serias comicas e filmes fantastics, comic books e videojòcs, tendéncias, sciéncias e societat... Aquò nos donèt l'idèa de desvolopar un eslogan, que correspond a la publicacion coma als joves d'uèi : "Siá çò que vòles èsser". E n'avèm fait lo messatge del pichon present bònus qu'acompanha tradicionalament aquesta sortida, un pegasolet "a la forma".
Aqueste numèro especial del Diari, editat per l'IEO OPM, es de legir e descargar a gràtis en linha, o de comandar en version papièr mejançant sonque una participacion als fraisses de pòsta.
Bona lectura !
O...