Los 23 e 24 de mai, la corsa per la lenga occitana La Passem arriba dins Tarn ! Vos convidam a sosténer l'eveniment, qu'aquò siá en corrent o en ajudant a la siá organizacion e al sieu debanament.
Mai d'una possibilitat :
- Córrer. Pas besonh d'èsser un grand esportiu, podètz tanben far un sol quilomètre e quitament caminar quand cal. La tòca es pas de far petar las performanças, mas de transmetre simbolicament lo ligam de la lenga occitana. Totas las idèas originalas son planvengudas : mascaratges, carris e veïcules, chancas... Es primièr una fèsta !
- Ajudar. Una còla de benevòles se constituís a l'entorn dels correires e correiras per los enquadrar, los acompanhar, los menar, mas tanben far l'animacion lo long del percors. E cercan notadament de personas que parlan la lenga !
- Finançar. Amb vòstra adesion, un don, o en comandant un camiset ajudaretz a finançar l'eveniment.
- Compartir. Podètz seguir La Passem sus Facebook, sus Instagram, convidar vòstres contactes a likejar, partejar las informacions...
Mercés e a plan lèu dins Tarn per córrer per la lenga occitana !