Lo site de l’IEO OPM es d’ara enlà provesit d’un accès cartografic especific als corses per adultes balhats per las associacions de la ret IEO dins la region Occitania.
S’agís de prepausar una responsa simpla a aquela question : « ont pòdi apréner l’occitan pròche de l’ostal ? »
Aquela cartografia se dobla doncas d’una lista de corses disponibles, amb las informacions que cal per cada persona que voldriá començar de se formar sus son temps liure : jorn, orari, lòc, professor-a, nivèl…
Un centenat de corses son atal recensats sus l’ensemble del territòri regional, aquò dona a pensar que n’i a forçadament un pas luènh d’en cò vòstre !
Las donadas son regularament actualizadas, per tota demanda especifica trantalhetz pas de nos contactar o de contactar l’associacion organizatora, que lo nom es mencionat sus la ficha de cada cors.
Esitetz pas tanpauc de far virar aquesta informacion e de parlar d’aquesta pagina !
