Lo collectiu Per Que Viscan Nòstras Lengas (PQVNL), que l’Institut d’Estudis Occitans ne fa partida, aviá mandat fa qualques meses, ne parlàvem aicí, un questionari als candidats e a las candidatas a l’eleccion presidenciala francesa de 2022. Aqueles e aquelas i èran interrogat-da-s sus lor programa concernissent las lengas regionalas, notadament lor ensenhament o lor plaça dins la societat.
Qualques responsas èran estadas obtengudas, causiguèrem de las difusar, coma d’autras estructuras o los quites partits politics. Vos convidam a las legir e a las partejar amb tota persona interessada.
Trobaretz aquí dejós las responsas reculhidas per PQVNL, valent a dire aquelas de Yannick JADOT, Jean LASSALLE, Emmanuel MACRON, Jean-Luc-MÉLENCHON, Valérie PÉCRESSE, Philippe POUTOU, Fabien ROUSSEL.
Nòta : lo collectiu aviá causit de se pas adreiçar a l’extrèma dreita.
Mesa a jorn del 21/04 : la responsa d’Emmanuel MACRON, president sortent, es estada recebuda entre los dos torns de l’eleccion presidenciala. Se tròba demest las autras.