Lo site internet de Lo Diari, magazine cultural editat per l’IEO OPM, aculhís una seria d’articles consacrats a Frederic Mistral, estent que 2024 es una « annada Mistral » per d’unas collectivitats (la region Sud d’exemple).
Avèm de fait volgut portar pèira a aquestas celebracions, en convidant d’especialistas de l’òme o de l’òbra a escriure qualques mots, cadun dins son domeni : Silvan Chabaud, Thierry Offre, Felip Gardy, Danielle Julien, Felip Martel, Joan Ives Casanova, Georg Kremnitz, Josiana Ubaud o encara Henri Maquet se son prestats al jòc.
Totas aquestas contribucions que venon portar un esclairatge sus una de las facietas del mèstre de Maiana son de legir a gràtis tre ara ; son totas recampadas en un sol endreit sul site-magazine lodiari.com.