“R(òc)k !”

Lo Diari, magazine cultural editat per l’IEO OPM, branca son ampli pel sieu numèro 67.

Siam onèstes : serà pas sonque question de ròck dins aqueste numèro musical, mas tanben d’autres corrents, d’autras percepcions e sensacions… que lo ròck es tanben un estat d’esperit, e de biaisses de far, crear e véser lo monde ! I trobaretz notadament d’entrevistas de joves musicians o de professionals del sector, mas tanben un dorsièr central escrit pel pòl musica del CIRDOC – Institut Occitan de Cultura que nos dobriguèt, per aquel numèro partenarial, sos bacs de viniles e caissetas !

Aqueste numèro vos interèssa ? Vos rapelam que lo mai important dels sotens, lo mai segur per garantir las nòstras seguretat e continuitat, nòstra independéncia editoriala e nòstra qualitat es lo vòstre. E o podètz manifestar mercés a un gèste simplàs : l’abonament al magazine !

Bona lectura !