« Mascas e mascariá »

Lo Diari, magazine cultural editat per l’IEO OPM, se fa emmascar per las bruèissas pel sieu darrièr numèro de l’an.

Aquesta figura populara sembla plan èsser tornada de mòda dempuèi qualques annadas, e comptam pas pus los obratges que ne liuran una analisi istorica e contemporanèa. Aqueste numèro ivernal s’interèssa a tot aquò, a çò que lo tractament inquisitorial de las bruèissas diguèt autres còps de la plaça de las femnas dins la societat e de la siá evolucion, al biais que uèi se fa una mena de recuperacion positiva a l’entorn d’aqueste tèma e plan d’autras causas encara, abordant la literatura, la musica, las arts, l’istòria, l’etnologia…

Aqueste numèro vos interèssa ? Vos rapelam que lo mai important dels sostens, lo mai segur per garantir las nòstras seguretat e continuitat, nòstra independéncia editoriala e nòstra qualitat es lo vòstre. E o podètz mostrar mercés a un gèste simple : l’abonament al magazine. Los diferents numèros del Diari son tanben disponibles a la crompa a l’unitat.

Bona lectura !