“La fotografia”

Lo Diari, magazine cultural editat per l’IEO OPM, fa la mesa al punt sus la fotografia, dins una perspectiva al còp istorica e contemporanèa.

Per aquò far, tiram un cèrte nombre de retraits de figuras istoricas de la fotografia, d’unas occitanas (!) : Henri Cartier-Bresson, Lucien Clergue (amb l’ajuda de Françoise Denoyelle, istoriana de la fotografia), Ansel Adams, Jean Dieuzaide, Arthur Batut, Félix Arnaudin o mai pròches de nosautres Andrieu Abbe, Denis Frossard, Emma Barthere, Franc Bardòu… E, coma la linha de fugida nos escapa – coma totjorn – seràn pas rares los instantanèus sus la fotografia coma practica sociala, dins lo jòc vidèo, las sciéncias, la literatura… Sens comptar d’autres articles, citam aquí los sul darrièr documentari de Patric La Vau o un omenatge rendut a l’artista Ben.

Aqueste numèro vos interèssa ? Vos rapelam que lo mai important dels sotens, lo mai segur per garantir las nòstras seguretat e continuitat, nòstra independéncia editoriala e nòstra qualitat es lo vòstre. E o podètz mostrar mercés a un gèste simple : l’abonament al magazine. Los diferents numèros del Diari son tanben disponibles a la crompa a l’unitat.

Bona lectura !