Dempuèi lo 1èr de julhet de 2026, lo Centre occitan de las musicas e danças tradicionalas a una directritz novèla, en la persona de Mathilde Lalle Briand. Tre son arribada a, amb son equipa, aviat una de las primièras etapas de son projècte d'establiment novèl : l'amainatjament d'un vertadièr luòc de vida de la lenga e de la cultura occitanas. Per aquò, se tròba qu'an dobèrt un finançament participatiu sus HelloAsso.
Dins lo meteis temps, e per acompanhar aqueste desvolopament, lo COMDT es actualament a la recèrca de doas personas de mens de 25 ans per menar una mission de Servici civic. Lo portatge e lo seguit administratiu ne son assegurats per l'IEO OPM, una primièra collaboracion entre nòstras doas estructuras que se deuriá inscriure dins un partenariat duradís !
Las missions començaràn a la tota debuta de novembre, e l'anóncia es en linha sul site oficial del Servici civic. Coneissètz una persona interessada ? Trantalhetz pas de li far passar l'informacion !