Amassada generala de l’IEO los 4 e 5 de mai de 2024 a Nimes

L’amassada generala venenta de l’Institut d’estudis occitans, aculhida per la seccion de Gard (IEO30), se debanará a Nimes los 4 e 5 de mai de 2024 a l’Ostal diocesan (6 carrièra Salomon Reinach, 30000 Nimes).

Totas las personas aderentas de l’IEO son convidadas a assistir a l’amassada generala, moment fòrt important dins la vida democratica de nòstra associacion. L’amassada generala es dubèrta a totas las personas aderentas, fisicas e moralas (associacions aderentas) al jorn de lor cotizacion. Cada persona aderenta a una votz e pòt, en mai, èsser mandatada per 10 autras personas. Lo bilanç de l’annada passada i serà presentat per votacion, e las activitats e accions per l’annada a venir i seràn discutidas e decididas.

Las sesilhas se tendràn lo dissabte aprèp-miègjorn e lo dimenge matin.

LUÒC : SALA DE CONFERÉNCIA DEL CENTRE CULTURAL

Las sesilhas se denabarán dins las salas de conferéncia de l’Ostau diocesan. L’Ostal es situat dins lo centre de Nimes (6 rue Salomon Reinach, 30000 Nimes). En veitura : a 10 minutas de la surtida de l’autorota ; de plaças de parcatge son reservadas pels visitaires dins lo pargue de l’Ostal. En tren : a 15 minutas a pè de la gara SNCF ; En bus : linha F e G, estacion Charles Gide.

Mai d’informacion : http://maison-diocesaine30.fr/

PRE-PROGRAMA

Dissabte 4 de mai

14 h – 18 h 30 : primièra sesilha de l’AG
13 h 30 : Acuelh e inscripcion a la Sala de conferéncia de l’Ostal diocesan.
14 h – 14 h 15 : dichas de benvenguda.
14 h 15 – 15 h 45 : rapòrt moral, presentacion e vòte dels rapòrts d’activitat e financièr de 2023.
15 h 45 – 16 h 15 : pausa
16 h 15 – 18 h 30 : sesilhas de trabalh :
– discussion sus las activitats en cors e previsionalas de 2024
– rapòrt e proposicion del grop de trabalh sus la question dels escotissons
– rapòrt e proposicion de la conferéncia de las seccions departamentalas
18 h 30 : Clavadura de la sesilha.
Repais sus plaça possible e serada conviviala

Dimenge 5 de mai

9 h – 12 h 30 : segonda sesilha de l’AG
8 h 30 : acuelh a la Sala de conferéncia de l’Ostal diocesan.
9 h – 12 h 30 : sesilha de trabalh : sintesi de las discussions ; vòte de las decisions
12 h 30 : Clavadura de l’AG.
Dinnar liure o sus plaça

SERADA

Lo programa e lo debanament sirán comunicats ulteriorament.

ALBERGAMENT

L’informacion generala sus las possibilitats d’albergament se pòt trapar a l’Ofici de torisme de Nimes (https://www.nimes-tourisme.com/), 6 Bd des Arènes 30000 Nîmes. tel. 04 66 58 38 00.
De mai, es possible de s’albergar e manjar a l’Ostal diocesan : http://maison-diocesaine30.fr/

CONTACTES

Remarcas, proposicions, questions divèrsas : direccion@ieo-oc.org / 06 34 16 63 90

INSCRIPCION E PODERS

Es recomandat a las personas desirosas de participar a l’AG de s’inscriure.
Se podètz pas èsser present o presenta a l’AG, es possible de participar en donant poder a una autra aderenta de l’IEO, sia en linha, sia en donant lo poder a la persona participanta (çai jos), que lo deurà portar a l’AG.

SE MARCAR A L’AG

Ligam HelloAsso : https://www.helloasso.com/associations/institut-d-etudes-occitanes/evenements/amassada-generala-de-l-ieo-los-4-5-de-mai-2024-a-nimes