En camin per la lenga !
Los 24 e 25 de mai de 2024, un collectiu d’associacions (ALCOC, IEO 82, ÒC-BI), associadas a la municipalitat de La Francesa dins Tarn e Garona, organiza una manifestacion grand public, festiva, esportiva e familiala a l’entorn de la lenga occitana.
Dos desfises d’ample son prepausats :
– Una corsa de relais de 24h a l’entorn del lac de La Francesa, obèrta a totes, correires… o caminaires !
– Un desfís dança, siá 12h de danças e musicas occitanas, clausas per un concèrt d’M’Braia. Musicians, cantaires, dançaires… planvenguts !