Vist lo contèxt sanitari, la Dictada Occitana se farà pas jos la forma costumièra, e o deploram. Mas coma nos a semblat important de manténer lo ligam amb vosautres, avèm decidit de vos propausar una Dictada Occitana virtuala per aquesta 24ena edicion.
D’en primièr, avèm creat nòstra cadena YouTube, Azalais Centre Occitan del País Castrés :https://www.youtube.com/channel/UCJIGHptk7h4nTe8iP7187mQ
Coma las annadas passadas, auretz la causida entre doas formulas :
– L’opcion N° 1 : una dictada de traucs puslèu destinada als novelaris, que siatz dròlles, joves o adultes (30 mots) + una frasa entièra de 20 mots. Aquesta formula se vòl valorizanta, que se comptan pas que las bonas responsas.
– L’opcion N° 2 : la dictada de traucs + una dictada classica en 3 parts :
– pels dròlles, la dictada de traucs + la primièra part (mas pòdon contunhar se vòlon),
– pels joves, la dictada de traucs + las doas primièras parts (mas pòdon contunhar se vòlon),
– los adultes fan la totalitat.
Aital, avèm enregistradas videòs, que seràn mesas en linha lo dissabte 30 de genièr de 2021 sus la nòstra cadena YouTube “Azalais Centre Occitan del País Castrés”
– Vidéo N°1 : présentation (pour tout le monde). >>Clicatz aicí<<
– Vidéo N°2 : dictée à trous (pour tout le monde). >>Clicatz aicí<<
– Vidéo N°3 : dictée classique (pour les confirmés). >>Clicatz aicí<<
Coma son d’enregistraments videòs, vos podètz arrestar e tornar enrè se volètz.
Traparetz çai-junt un formulari : la còpia que vos calrà estampar per far la Dictada. Auretz fins al divendres 5 de febrièr enclús per participar.
Lo dissabte 6 de febrièr, botarem en linha la videò N°4 que balharà qualques explicas gramaticalas e ortograficas e vos precisarà l’origina d’aquel tèxt. En dejós d’aquela videò, traparetz lo corregit.
Mercejam lo Bernat Vernhièras que causiguèt l’òbra e que dicta lo tèxt.
Vos desiram a totes e a totas una bona Dictada !!!
La còla del Centre Occitan del País Castrés
“Ostal Azalais”
6 carrièra del Consolat
81100 CASTRAS
05 63 72 40 61
azalais@wanadoo.fr