Institut
d'Estudis
Occitans
Region Occitània / Pirenèus-Mediterranèa
L’IEO es una associacion lei 1901, creada en 1945, reconeguda d'utilitat publica e agradada pel Ministèri de la Joventut e de l'Educacion populara. La mission principala de l’IEO es de permetre lo desvolopament de l'usatge de la lenga occitana dins totes los mitans, d'ajudar a la coneissença de la lenga e de la cultura en occitan e de favorizar sa difusion larga dins la societat.
La seccion regionala IEO Occitània/Pirenèus-Mediterranèa es primièr un malhum, compausat de gaireben 100 associacions, escampilhadas sus tot lo territòri regional.
Nòstra tòca es d'obrar al desvolopament e a la densificacion de nòstre malhum associatiu per tal de favorizar lo desvolopament de l'usatge de l'occitan per l'ofèrta d'activitats culturalas dins la region Occitània.
La nòstra mission : desvolopar l'usatge de l'occitan
L’ensemble de las nòstras assocacions òbran dins aquel sens. Bòtan en plaça las condicions necessàrias a la practica de l'occitan.
Lo malhum IEO OPM permet a mai d'un milierat de personas de practicar regularament la lenga occitana en Region Occitània.
Los mejans de nòstra accion
Favorizar l'usatge de la lenga occitana implica lo desvolopament de l'accion associativa que la tòca es de pensar e de metre en plaça d'espacis de practica lingüistics adaptats al public. Per aquò, nòstre malhum perpausa, en mai dels corses d'occitan, maitas activitats culturalas.
Lo Malhum
Seccions Departamentalas
Cèrcles Locals Afiliats
Associacions Aderentas
Coordinacion
Animacion
Comunicacion
Acompanhament
Nòstras actualitats
Lo COMDT cèrca 2 servicis civics !
Lo COMDT es actualament a la recèrca de doas personas de mens de 25 ans per menar una mission de Servici civic. Lo portatge e lo seguit administratiu ne son assegurats per l’IEO OPM, una primièra collaboracion entre nòstras doas estructuras que se deuriá inscriure dins un partenariat duradís !
Lèu la rintrada pels corses d’occitan per adultes !
Lo retorn de setembre anóncia la represa de l’escòla, pels pichons, mas tanben la represa pròcha dels corses per adultes. A l’IEO, las associacions se preparan a tornar préner lo camin de las salas de classa del ser. E comunican !
Cathy Lacroix se’n va !
Après quasiment 20 ans al servici de l’Institut d’Estudis Occitans, la nòstra directritz, Cathy Lacroix, a decidit de se’n anar per naular cap a d’autres orizonts. Un desir que se compren, tant es vertat que plan de monde – a fauta de passar a l’acte – sòmian al pus pauc de trocar la rotina per la rota. Cathy a gausat e sabut far del desir realitat, e d’aquel coratge podèm pas que la felicitar.
