Aprèp 3 ans a la menar de biais desmaterializat, l’Institut d’Estudis Occitans de la region Occitania / Pirenèus-Mediterranèa aurà lo plaser de recampar sos aderents per una AG en preséncia lo dissabte 25 de març venent a Montpelhièr, Espaci Jacme 1èr d’Aragon, 117 carrièra dels Estats generals.
Programa
Avèm previst aquela jornada en 2 tempses :
10h-12h30 : AG de l’associacion.
ÒRDRE DEL JORN
Rapòrt moral
Rapòrt d’activitat
Rapòrt financièr
Afectacion del resultat
Còs electoral
Budgèt 2023
Projèctes 2023
Eleccion del CA
Questions divèrsas
14h30-17h : Escambi a l’entorn de la socializacion de la lenga occitana (obèrt a totes e a totas)
Acabarem dins la convivialitat amb un aperitiu cantat.
Procuracion
Se per malastre podètz pas participar a-n-aquesta AG, vos conselham vivament d’emplir puèi de tornar lo poder qu’es çai-jos :
Adesion 2023
Sètz pas a jorn de la vòstra adesion ? Podètz descargar lo bulletin çai-jos e lo nos portar lo jorn de l’AG, o lo nos tornar mandar.
Vida associativa
E se ne volètz saber mai sul foncionament de la nòstra associacion, vos convidam a legir los sieus estatuts tanplan coma lo procès verbal de la darrièra Amassada Generala.