L’Amassada generala de l’Institut d’Estudis Occitans (nivèl federal) se debanarà lo dimenge 17 d’octobre de 2021 a Tolosa. Aquela AG ten ongan una importància excepcionala, dins un contèxte financièr malaisit per l’associacion istorica, qu’a entrainat la partença del seu director. Parièrament, lo qu’èra fins ara president de l’estructura, Pèire Brechet, a ja anonciat son desir de pas se tornar presentar.
Es doncas necessari que los aderents de l’IEO de tot lo territòri occitan se mobilizen per i participar, far nombre e far ausir lors voses.
Amassada generala de l’IEO
Dimenge 17 d’octobre
sala Lafage
2 carrièra Lafage
31300 Tolosa
Tram 1 e 2 – bus 11, 12, 34, 52 estanc Crotz de Pèira
Programa previsional
8h30 : acuèlh dels participants.
9h : obertura de l’AG.
9h – 10h : presentacion e votason del rapòrt d’activitat e del rapòrt financièr per l’annada 2020.
10h – 10h15 : pausa.
10h15 – 11h45 : estat dels lòcs e discussion sus la situacion actuala de l’IEO.
11h45 : punt sus las candidaturas al CA.
12h – 14h : pausa, repais.
14h – 15h45 : discussion sus las activitats a venir per l’IEO e lo foncionament de l’IEO de metre en plaça per assegurar aquelas activitats pels meses que venon.
15h45 – 16h : pausa.
16h – 16h30 : presentacion de las candidaturas al CA e eleccions del CA novèl.
16h30 : clausura de l’AG.
Per participar a l’Amassada generala, o candidatar al seu Conselh d’administracion, telecargatz lo bulletin çai-jos e tornatz-lo a AGIEO2021@ieo-oc.org.