Actualitats

Una primièra fèsta del país de Cocanha a Caramanh

11 setembre 2023

Lo dissabte 16 de setembre, l’associacion País de Cocanha organiza sa primièra fèsta a Caramanh, La Cramanhòla.

Compte rendut d’amassada generala de l’IEO d’Òlt 2023

28 junh 2023

A l’escasença de l’Amassada Generala de l’IEO d’Òlt, lo 18 de junh de 2023, l’associacion organizèt un repas partejat e en seguida una passejada poetico-musicala d’una ora e mièja orquestrada per Guillaume Roussilhe ambe la complicitat d’Oliver Cocatrix, Philippe Sahuc, Xavier Vidal e la corala Viure e Cantar. Aquela deambulacion se debanèt a La Ròca dels Arcs e encantèt un quarantenat de personas. Puèi tot lo mond se’n anèt dançar al balèti menat pels Barjacaires per acabar aquela jornada.

ne legir mai

« Desvolopem l’ensenhament de las lengas de França ! » – un eveniment regional

26 junh 2023

Lo dimècres 5 de julhet se farà, a l’Ostal de Region Occitania a Tolosa, una jornada dedicada al desvolopament de l’ensenhament de las lengas regionalas en França, dos ans aprèp lo vòte del tèxte dit « Lei Molac ». Actors de l’Educacion, associatius, expèrts e elegits escambiaràn a l’entorn de la lei e de la siá mesa en òbra, de la generalizacion de l’ofèrta d’ensenhament, dels rapòrts amb Estat, collectivitats e diferents operators.

ne legir mai

Universitat Occitana d’Estiu de la MARPOC

5 junh 2023

La MARPOC organiza sa 47ena UOE titulada « Vira vira la lenga. Politicas lingüisticas », del divendres 7 al dimars 11 de julhet, a Nimes.

ne legir mai

[EMPLEC] Animator-a a-z-Albi (Tarn)

30 mai 2023

Lo Centre Cultural Occitan d’Albigés recruta un animator o una animatritz a-z-Albi.

ne legir mai

AG de l’IEO 46, passejada musicala e bal

24 mai 2023

L’Amassada Generala de l’IEO d’Òlt se debanarà lo dimenge 18 de junh de 2023, a La Magdalena. La vesprada serà totalament obèrta a totas e a totes, amb tre 15h una passejada poetica e musicala amb de musicaires e contaires d’Òlt, puèi un bal animat pels Barjacaires.

ne legir mai