Aprèp mantunas sasons capitadas, l’Institut d’Estudis Occitans de la Region Occitania/Pirenèus-Mediterranèa, en partenariat amb la DRAC Occitania, renovèla en 2024 l’operacion a l’entorn dels rescontres literaris.
Aquesta operacion a per tòca de valorizar la lenga e la literatura de lenga d’òc, per d’eveniments ont los autors e las autoras d’òbras en occitan (o bilingüas) qu’an recentament publicat poiràn anar al davant de legeires e legeiras o de curioses e curiosas de las tematicas desvolopadas dins los obratges dins tota la Region Occitania.
Cossí ne vira ?
– L’IEO OPM prepausa a las associacions del seu malhum un catalògue de las intervencions, sus prepausicions dels autors e de las autoras meteissas.
– L’actualitat (edicions recentas) es privilegiada, dins totes los domenis de la litertura e de l’escrit en general : roman, poesia, mas tanben traduccion, arts, viatges o cosina.
– L’intervencion es organizada per l’associacion aderenta mas financièrament presa en carga per l’IEO OPM, amb lo sosten de la DRAC, sus la basa de remborsaments de fraisses de desplaçament.
– Los intervenent-a-s poiràn èsser menats a se desplaçar sus tot lo territòri regional, segon los encontres programats.
– Possibilitats pels autors e autoras de vendre lors libres en dirècte al prèp dels participants.
Qualques chifras
En 2023, un cinquantenat d’intervencions foguèron organizadas, amb 26 autors e autoras. Al total gaireben 1200 personas i participèron.
Vos agradariá d’i participar ?
– En tant qu’estructura organizatora : contactatz dirèctament l’IEO via lo formulari çai jos.
– En tant qu’autor-a : una ficha d’inscripcion es de descargar aquí dejós puèi de tornar. Atencion : plaças limitadas e clausura de las inscripcions al 15/05 !
– En tant que participant-a : Las intervencions seràn marcadas dins l’agenda de l’IEO OPM / Lo Diari.
A plan lèu al virar d’un de nòstres encontres literaris !