Sortida dels « Contes e racontes del coronèl » en francés

Aprèp aver realizada una mòstra sus la vida del coronèl Teyssier e una edicion en occitan de qualques uns des sos contes en 2019, puèi contribuit a la realizacion d’una Revue du Tarn especialament sul personatge, lo Centre Cultural Occitan de l’Albigés vos prepausa ara una version francesa e un CD audiò dels contes e racontes del coronèl !

Figura de la guèrra de 1870, lo coronèl Teyssier es conegut subretot per sa carrièra e sos espleches militars, notadament a Bitche, ont refusèt de capitular. Mas Louis-Casimir Teyssier es tanben un òme de letra e de cultura e, a sa retirada dins sa vila natala d’Albi, escriurà mantuns contes en « lenga albigesa », en occitan.

Aital comença lo conte « Tres mièg-sapients » :

« Sauretz que, temps passat, e i a pas encara fòrças annadas, nòstras campanhas èran sens una sola escòla.Alara los païsans, los de la montanha mens encara que los autres, sabián pas un mot de francés e lo comprenián pas mai. »