Dempuèi qualques jorns circula sus la tela la crida d’un collectiu que desira prepausar un projècte novèl per l’Institut d’estudis occitans, l’IEO dit federal, en prevision de l’amassada generala de l’associacion, que se farà a Bordèu los 9, 10 e 11 de mai venents.
« Obrar amassa : un camin novèl per l’Institut d’estudis occitans » es lo nom d’aqueste projècte, portat per d’òmes e de femnas, membres recents o istorics de l’associacion, recampats per una insatisfaccion per çò qu’es del foncionament actual de l’IEO e una volontat d’agir de biais diferent.
Un tèxte d’orientacion generala es estat publicat sus un site de peticions en linha, per tal de permetre a caduna de lo signar per manifestar son acòrd.
Un site es tanben actiu, que lista los signataris e prepausa de documents al telecargament, especialament de versions mesas en pagina del projècte novèl dins totes los dialèctes (e en francés).
Enfin, una lista de candidaturas al conselh d’administracion (CA) de l’IEO federal es obèrta, per tota persona aderenta a l’associacion (o un de sos escalons), que se reconeis dins lo tèxte d’orientacion e lo vòl defendre.
Lo collectiu a l’origina d’aqueste projècte dispausa d’un mail, per tota question, vejaire, demanda d’informacions complementàrias : alternativaieofederal@gmail.com
