Lo mes de mai marca lo retorn d’una operacion d’ara enlà annadièra : la sortida d’un numèro especial del Diari a destinacion especificament dels joves, puèi escampilhat dins los licèus de las regions Occitania e Novèla Aquitània dins l’encastre d’un partenariat amb l’Ofici public de la lenga occitana (OPLO).
La cobèrta posa aqueste còp la siá inspiracion dins un univèrs de ficcion desertic, tanplan coma lo tradicional “goodie” qu’acompanha cada numèro distribuït. Las 20 paginas que compta lo magazine aculhisson elas d’articles sus BD e mangas, hip-hop e K-pop, espòrt e eSpòrt, jòcs vidèo e jòcs de platèu, sciéncias e cosina, mondes imaginaris e tèmas actuals.
Aqueste numèro especial del Diari, editat per l’IEO OPM, es de legir e descargar a gràtis en linha, o de comandar en version papièr mejançant sonque una participacion als fraisses de pòsta.
Bona lectura !
O…