Lo Diari, lo magazine de la cultura en occitaneditat per l’IEO OPM, a decidit de portar sa pèira als omenatges renduts a Robèrt Lafont en son annada de centenari, en fasent paréisser un numèro especial dedicat a aquesta figura importanta de l’occitanisme.
D’universitaris, de cercaires, d’especialistas de son òbra o d’intimes de la personna an acceptat de participar a aquel fòra seria que serà distribuit gratuitament mercés a l’ajuda dels nòstres partenaris, lo CIRDÒC – Institut occitan de cultura, e la region Occitània/Pirenèus-Mediterranèa.
D’unas personas qu’an participat a aqueste omenatge escrit seràn presentas lo 30 de setembre que ven tre 16h, a la Bibliotèca d’Estudi e del Patrimòni (BEP) de Tolosa per un eveniment de sortida, enclaus dins la programacion del festival Occitania.
Programa
16h – Presentacion del Diari fòra seria sus Robèrt Lafont
16h15 – Taula redonda « Robèrt Lafont, una votz dins lo sègle » amb Clara Torrelhas, Alain Alcouffe, Joan Ives Casanova, Patric Sauzet (jos resèrvas d’usatge e dins l’espèra d’autras confirmacions), animada per Eric Fraj, president de l’IEO OPM.
18h – « Showcase » d’Eric Fraj e Morgan Astruc a l’entorn de la mesa en musica de poèmas de Robèrt Lafont.
