A l’escasença del Festival Occitania, l’autritz Miquèla Stenta presentarà son òbra sus la poetessa lemosina, Marcelle Delpastre à fleur de l’âme, lo dimars 15 d’octobre a 17h45 a la Bibliotèca d’Estudi e del Patrimòni de Tolosa.
« Nascuda e mòrta a Germont, comuna de Chambaret en Corresa ont a totjorn viscut, Marcèla Delpastre (1925-1998), es una autriz màger de la literatura occitana contemporanèa. En occitan tan coma en francés, s’illustrèt dins totes los genres : poësia, contes, memòrias, etnografia, etc.
Dins aquelas paginas, seguissent lo genre biografic, s’agís d’aprochar una personalitat originala, paisana e poëtessa, e de’n permetre la coneissença a-n-un public larg. E al-delai de la Marcèla de l’òbra literària, d’aquela dels sèt tòmes de sos Memòris, largament citadas, dins son occitan lemosin d’origina e reviradas en francés, çò qu’evita la glòsa e l’interpretacion, al prètz de la vertat e d’una vertat assumida per ela-meteissa.
S’enriquisson d’un reportatge fotografic inedit, vertadièr retrach en imatges realizat en cò d’ela a la fin de las annadas setanta pel fotograf Charles Camberoque. »
