Comunicacion visuala
Sabiatz que prepausam de servicis grafics a destinacion de las associacions del malhum IEO… e al delà ? De l’aficha al maquetatge de libres, en passant per desplegants, logos, pegasolets, los besonhs pòdon èsser variats e sèm acostumats de realizar tot aquò. Enfin, « sèm »… mai que mai Elodia Saulnier, que ne coneissètz sens cap de dobte lo trabalh que fa amb Lo Diari, mas tanben de suls libres per las edicions E…rau !, l’IEO d’Aude, l’IEO d’Òlt…
De tot aquò – e mai encara – ne podètz profitar, a de tarifas avantatjosas sul mercat. Avètz un projècte visual ? Demandatz-nos !
Servicis civics
Tant que ne sèm a nos far de reclama, ne vaquí una autra : sabètz que podèm aculhir de volontaris o volontàrias en servici civic ?
En realitat podèm quitament aculhir un o una volontària… per vòstra estructura ! Nòstre agradament nos permet de far çò qu’apelam « l’intermediacion« , es a dire metre a disposicion una persona volontària per una associacion de nòstre malhum qu’a pas, ela, l’agradament, mas a una mission de prepausar.
Atal nos ocupam de totas las demarchas administrativas : redaccion de l’anóncia, recrutament, tutorat, acompanhament de vòstre volontari. Aquò vos descarga d’un trabalh fastigós per vos concentrar sus l’essencial e l’activitat de la vòstra estructura.
Un projècte de mission ? Coma indcat mai naut : digatz-nos-o !
