« Pau (e lo Bearn) »

Lo Diari, magazine cultural editat per l’IEO OPM, se’n va passejar long del baloard dels Pirenèus, al pè del castèl, dins lo barri del Hedàs, amb un virolet per la montanha vesina. Direccion Pau per un numèro bearnés « cap e tot » !

Aqueste primièr numèro de l’annada crosa, a l’azard de las carrièras paulinas, bravament de figuras istoricas, de reis de França (e de Navarra) en reis de Suècia, mas tanben d’actors culturals locals que totes an en comun de valorizar l’occitan de Bearn. Sens oblidar d’autras cronicas, sus l’arquitectura, lo viatge, las arts…

Aqueste numèro vos interèssa ? Vos rapelam que lo mai important dels sostens, lo mai segur per garantir las nòstras seguretat e continuitat, nòstra independéncia editoriala e nòstra qualitat es lo vòstre. E o podètz mostrar mercés a un gèste simple : l’abonament al magazine. Los diferents numèros del Diari son tanben disponibles a la crompa a l’unitat.

Bona lectura !