« Los aucèls, en occitan »

Lo Diari, magazine cultural editat per l’IEO OPM, pren la volada, dins un numèro tant natura coma cultura, consacrat a tot çò que pòrta plumas, bècs e alas : l’aucelilha.

Los aucèls son primièr de testimònis vius de cambiaments a l’òbra dins nòstre environament, un simbòl d’una diversitat que nos sembla. E son tanben, darrièr la gravitat environamentala, un pretèxte leugièr a seguir los plumachons dins la literatura, lo cinèma, las sciéncias e los sabers populars que sabrondan de mots per designar aquestes luènhs e sovent freules familiars. Pèire Thouy nos explicarà l’importància e lo foncionament de l’anelatge, nos entretendrem amb la LPO e lo CRBPO (qu’es aquò ? O legiretz dins aqueste numèro !), evocarem Antonin Perbòsc e Alfred Hitchcock e planejarem entre retraits e passejadas ornitologicas.

Aqueste numèro vos interèssa ? Vos rapelam que lo mai important dels sotens, lo mai segur per garantir las nòstras seguretat e continuitat, nòstra independéncia editoriala e nòstra qualitat es lo vòstre. E o podètz mostrar mercés a un gèste simple : l’abonament al magazine. Los diferents numèros del Diari son tanben disponibles a la crompa a l’unitat.

En aquesta debuta d’estiu fasèm un punt (en francés) sus l’estat de santat del magazine, vos convidam a lo legir sul site del Diari. En un mot : l’abonament es una necessitat !

Bona lectura !