« Escriure l’Istòria »

Lo Diari, magazine cultural editat per l’IEO OPM, s’ataca aqueste còp a un subjècte seriós !

Mas la publicacion revendica d’abordar de còps que i a de tèmas un pauc mai ponchuts, amb çaquelà aquela accessibilitat que la caracteriza. L’Istòria es plan sovent dins l’actualitat, l’utilizam, la torcèm, li fasèm dire çò que volèm. Mas a la fin finala perqué pas tornar a l’essencial en se questionant amassa sus la siá utilitat societala o politica, sus çò que ne podèm apréner coma sus las novèlas reflexions que circulan dessús ? Aquí çò que prepausa aqueste numèro de març del Diari, en companhiá especialament de Jean Guilaine, arqueològue plan conegut… e occitanofòne (un fait mens conegut).

Aqueste numèro vos interèssa ? Vos rapelam que lo mai important dels sotens, lo mai segur per garantir las nòstras seguretat e continuitat, nòstra independéncia editoriala e nòstra qualitat es lo vòstre. E o podètz manifestar mercés a un gèste simplàs : l’abonament al magazine. Los diferents numèros del Diari son tanben disponibles a la crompa a l’unitat.

Bona lectura !