En aquesta davalada de 2023, lo magazine Lo Diari, editat per l’IEO OPM, festejava sos 15 ans de vida. Per acompanhar l’eveniment coma cal, una partida de la còla se recampèt a l’entorn d’un micrò e enregistrèt un primièr pòdcast, siá doncas una emission radiofonica longa, que tòrna traça l’istòria de la publicacion, liurant qualques anecdòtas e secrètz de fabricacion entre dos cacalasses. Aquel format àudio es disponible per escotar a gràtis sul site del Diari, sus la pagina Podcastics del Diari o encara sus las plataformas especializadas per las personas qu’i an un compte (Spotify, Deezer, Apple Podcasts…). Aquesta primièra serà seguida d’autras, que mai d’un format son ara a se pimponar del costat del Diari, per tal d’anar mai sul terren de l’oralitat e de prepausar de contenguts novèls tant d’escotar coma de legir !