L’IEO OPM prepausa dempuèi d’annadas la mesa a disposicion d’un·a jove en Servici Civic per un organisme autre.
Aprèp maites acuèlhs enriquissents, lo CIRDÒC – Institut Occitan de Cultura decidiguèt de nos far fisança tornarmai per l’acompanhar dins aquela gestion !
A comptar del 19 d’abril 2021, lo CIRDÒC prepausa una mission de 6 meses (24h/setmana) centrada a l’entorn de la mediacion e de l’acompanhament a la lenga e a la cultura occitanas, al rencontre dels publics del temps d’eveniments (coma Total Festum) o al còr de sa Mediatèca de Besièrs.
Aquesta mission es, per un·a jove, una escasença ideala per descobrir una lenga e una cultura, de cultivar son sens de l’acuèlh, sa curiositat, d’aprene, al contacte d’una còla benvolenta e competenta !
Esitètz pas de far virar aquela informacion, o a nos contactar per ne saber mai !