L’Institut d’estudis occitans de la region Occitània / Pirenèus-Mediterranèa organiza la siá amassada generala lo dissabte 5 d’abril que ven.
Vos donam rendètz-vos a-z-Albi, a l’Espaci Conferéncias (9 plaça Edmond Canet), tre 10h del matin per l’AG, e la jornada se perlongarà puèi amb un repais en comun, una passejada occitana, una conferéncia, e s’acabarà amb un bal.
Aqueste eveniment essencial a la vida democratica de l’associacion es organizada amb l’ajuda del cercle local de l’IEO, lo CCOA. Mercés a eles !
Programa
9h30 : Acuèlh dels participants
10h : AG de l’associacion
ÒRDRE DEL JORN
Rapòrt moral
Rapòrt d’activitat
Rapòrt financièr
Afectacion del resultat
Còs electoral
Budgèt 2025
Projèctes 2025
Eleccion del CA
Questions divèrsas
12h30 : Pausa-repais
Al restaurant La Brasserie du Parc
-> (25 € sus reservacion en nos contactant abans lo 22/03)
14h30 : passejada occitana a Albi
16h00 : Conferéncia « Serge Pey, poèta-actor d’una transculturalitat occitana » per Léo Cros-Humbert
17h : Bal amb lo Duo Bolbena
