Es un pauc abans la fin de l’annada que se constituiguèt l’associacion Zo mai! Institut d’Estudis occitan de Losera, en Losera doncas. Domiciliada a Menda, aquela novèla associacion departamentala del malhum IEO a per tòca de perlongar las accions de l’associacion ADOC48.
Lo sieu projècte s’articula a l’entorn de mantuna accion :
- l’ensenhament de l’occitan als adultes per de corses e l’organizacion d’estagis (lenga e cant)
- l’animacion a destinacion des escolars
- l’ajuda als ensenhaires gràcias a un pòle ressorsa e d’edicions
- l’animacion e l’organizacion d’eveniments culturals
- la preséncia de l’occitan dins l’espaci public e mediatic
- maites servicis dins lo domeni lingüistic, fruchas de las competéncias dels sieus membres (traduccions, conselh…)
L’IEO OPM saluda la naissença d’aquesta associacion e d’aquel vam novèl per Losera, un departament ont l’occitan es encara plan viu e ont las possibilitats de lo promòure mancan pas.
L’associacion es d’ara enlà referenciada dins nòstre guida de las associacions del malhum, son eprfil serà completat pauc a cha pauc.