« Trobairitz, ièr e uèi »

Lo Diari, magazine cultural editat per l’IEO OPM, tòrna montar dins lo passat en gardant un pè dins lo present (l’escambarlada es de tria) amb un numèro sus las trobairitz de l’Edat Mejana e las femnas poètas e artistas d’uèi.

Sens pretendre a una filiacion, cercam a tibar un fial tèuna, a aprivadar de motius comuns entre Beatritz de Dia o Alienòr d’Aquitània (mercés a Katy Bernard e Linguipixie) e Delfina Aguilera, Celina Magrini o encara Séverine Bonnin uèi. E plan d’autras causas encara dins un numèro pro colorat per una debuta d’autona !

Aqueste numèro vos interèssa ? Vos rapelam que lo mai important dels sostens, lo mai segur per garantir las nòstras seguretat e continuitat, nòstra independéncia editoriala e nòstra qualitat es lo vòstre. E o podètz mostrar mercés a un gèste simple : l’abonament al magazine. Los diferents numèros del Diari son tanben disponibles a la crompa a l’unitat.

Bona lectura !