2023 es l’annada del centenari de Robèrt Lafont, una figura màger de la pensada e de la lenga occitana, que tanplan marquèt l’istòria de l’Institut d’Estudis Occitans. Avèm d’alhors ongan editat un numèro especial del magazine Lo Diari dedicat a Robèrt Lafont.
Lo 6 de decembre que ven, a l’ostal de region de Montpelhièr, un omenatge li serà fait pel Conselh regional Occitania-Pirenèus/Mediterranèa. L’invitacion a aquel eveniment es faita pro largament e cada membre de la ret IEO pòt assistir a l’omenatge, pro de se marcar, avant lo 30/11.
Programa
17h00 : Acuèlh
17h30 : Discors e omenatges oficials acompanhats d’extraches del film de Christian Passuello Robert Lafont, un écrivain dans le siècle e d’archius de l’INA
19h00 : Lafont, une pensée européenne, per Philippe Martel e L’oeuvre littéraire de Robert Lafont per Jean-Yves Casanova
19h45 : Poèmas de Robert Lafont meses en musica per Eric Fraj
20h15 : Coctèl-dinnatòri