L’IEO OPM cèrca un-a director-tritz !
L’Institut d’Estudis Occitans es una associacion lei 1901, qu’òbra per lo manten e lo desenvolopament de la lenga e de la cultura occitanas. Es organizat en federacion. Lo nivèl regional (IEO OPM), compausat de 3 salariats/salariadas, e situat a Tolosa, recèrca un director o una directritz qu’aplicarà las decisions del Conselh d’Administracion per fin de favorizar lo desenvolopament de l’associacion dins lo respècte del projècte associatiu e educatiu. El o Ela serà encargat/encargada d’installar los mejans necessaris a la realizacion de las divèrsas accions e activitats de l’associacion dins lo respècte dels tèxtes en vigor e de las expectacions del-a-s aderent-a-s, dins una estrategia d’interès local. El o Ela serà en contacte permanent ambe las associacions de la ret regionala.
Emplec
Director-tritz
Missions
Gestion de l’associacion : Animacion de la vida estatutària, gestion financièra, partenariat
- Sosten a la preparacion de las reünions d’instància ambe lo President (C. A. e A. G.);
- Participacion a las instàncias coma invitat/invitada “ressorsa”;
- Instruccion e aplicacion de las decisions del Conselh d’Administracion;
- Elaboracion, ambe la còla, dels dossièrs de demanda de subvencions, puèi seguiment dels pagaments e dels bilances que son per rendre;
- Gestion comptabla e budgetària;
- Establiment dels comptes financièrs de fin d’annada: bilanç e compte de resultat
- Gestion de las diferentas gestions administrativas (declaracions, demandas de subvencions, elaboracion dels bilances de projèctes e dossièrs d’evaluacion dels projèctes e pòstes ajudats, etc.);
- Escritura del rapòrt d’activitats e del rapòrt financièr que seràn someses al Conselh d’Administracion;
- Gestion de las relacions partenarialas (la Region, las associacions, las collectivitats localas, etc.);
- Acompanhament e sosten de las iniciativas del monde benevòl, del-a-s aderent-a-s, etc.;
- Èsser a l’escota e respondre a las demandas de las associacions de la ret;
- Compte-rendut de la gestion al President.
Gestion de las activitats
- Coordinacion de las activitats (seguiment de l’enantiment, gestion del material, organizacion de reünions, etc.);
- Elaboracion dels projèctes (pedagogics, d’accions, etc.) ambe la còla;
- Acompanhament dels salariats, de las salariadas, e del monde benevòl dins l’installacion, la menada e l’evaluacion de las accions (activitats setmanièras, manifestacions, acuèlhs de minors, albèrgament de gropes);
- Elaboracion dels budgèts relatius a las accions;
- Recèrca de finançaments per las accions;
- Gestion de la promocion de las accions;
- Desenvolopament d’activitats novèlas;
Gestion del personal
- Coordinacion de la còla: organizacion de reünions, seguiment de l’execucion dels prètzfaits;
- Participacion al recrutament de personal;
- Gestion de la planificacion, dels comjats, e reparticion dels prètzfaits;
- Gestion administrativa dels salaris, de las cotizacions socialas, declaracions de recrutament, contractes de trabalh, fins de contracte;
- Establiment dels fulhets de paga, seguiment dels tausses de cotizacions.
Fonccion de cargada de mission
- Animacion de projèctes precises en sosten al cargat de mission;
- Animacion de las associacions de la ret;
Prètzfaits administratius annèxes
Luòc
Tolosa centre, desplaçaments en region Occitània.
Tipe de contracte
CDI.
Durada
Temps parcial (de 24 a 27 h/setmana).
Salari
Estatut quadre de la convencion Éclat, grop G indici 400;
Perfil
- Formacion Bachelierat +3 ans e/o experiéncia dins lo mitan associatiu;
- Experiéncia de la direccion;
- Mestria de la comptabilitat e de la gestion d’una associacion;
- Capacitat d’adaptacion, d’empatia, d’autonomia;
- Una coneissença de la lenga occitana es un atots suplementari.
Presa de pòste
28 de setembre de 2026.
Depaus candidatura
Enviar CV e letra de motivacion (obligatòria) per mail a contact@ieo-opm.com abans lo 26/07/2026.