|
|
|
|
|
Lo rampèl utile d'aquesta letra es : la corsa la Passem dins Tarn los 23-24 de mai. E es pas obligat de córrer per participar !
|
|
Autrament : un Diari, de projèctes, de causas de sostenir, d'eveniments qu'arriban. Tot de novèl !
|
|
|
|
|
|
|
📣 Qué de nòu a l'IEO OPM ❔
|
|
|
Lo Diari
|
Lo Diari n°85 de mai/junh es sortit ! Aqueste còp, lo magazine cultural editat per l’IEO OPM sauta dins la trencada per un numèro dels pus serioses a l’entorn de "guèrra e patz".
|
|
Fa 80 ans, la capitulacion dels nazis botava fin a la Segonda Guèrra mondiala. E i a 80 ans atanben, se creèt l’Institut d’estudis occitans. Dos eveniments que se respondon dins un magazine que questionarà la guèrra e çò que la seguís.
|
|
|
|
|
|
|
|
Lo CalenDiari
|
Es una aisina collaborativa en linha que se lança oficialament al public en aqueste mes de mai : una agenda culturala occitana de referéncia. Lo CalenDiari es utile tant als organizators coma als publics e es ja actiu !
|
|
S'agís d'un projècte bèl que portam amb lo CIRDÒC, lo Congrès, l'OPLO e l'entrepresa OpenAgenda.
|
|
|
|
|
|
|
|
📰 Las actualitats del malhum regional 🌐
|
|
|
IEO de Tarn / Ligams Tarn (81)
|
L'IEO es partenari de Ligams Tarn, qu'organiza la corsa La Passem que ongan se farà (tanben) dins aqueste departament.
|
E cercan de monde ! Per córrer, per ajudar, per sosténer, per relaiar...
|
|
Vos convidam a vos marcar !
|
|
|
|
|
|
|
|
|
En 2025 la Marpoc vòl festejar lo bicentenari d'Antòni Bigòt, poèta nimesenc presat per Mistral. Per aquò an lançat una crida a dons per tal de far realizar un totèm que serà installat dins un pargue municipal. L'operacion es sostenguda per la comuna e se pòt participar duscas a la fin del mes de setembre.
|
|
|
|
|
|
|
|
|
|
Coma La Gardarem, l'associacion que se carga de reviscolar l'Estivada a Sebazac (Avairon) ven de rejónher la ret IEO, es lo bon moment per vos partejar l'aficha e lo programa d'ongan. Grafisme assegurat per Elodia de l'IEO OPM !
|
E en mai d'aquò vos podèm dire qu'i serem en julhet...
|
|
Aquò fa al mens 3 o 4 bonas rasons de ne parlar, non ?
|
|
|
|
|
|
|
|
|
💡 Per far conéisser vòstras accions (eveniments, parucions...) al demai de la ret IEO e al demai del monde, mandatz-nos de causas a danis@ieo-opm.com, e vos apondrem a la letra d'informacions lo còp que ven !
|
|
|
|
|
|
🌍 Aquò se passa en defòra... 🪐
|
|
|
IEO Federal
|
La dimenjada passada se debanava a Bordèu l'amassada generala de l'Institut d'estudis occitans. Çò de notar es un renovèlament en pregondor del conselh d'administracion e l'endralhada d'un projècte nòu per l'associacion. Saludam aquesta arribada, e nos triga d'obrar amassa pel principal malhum occitanista !
|
|
Un compte-rendut mai precís deuriá arribar dins gaire de temps.
|
|
|
|
|
|
Parlem !
|
L'associacion Parlem !, qu'òbra per l'occitan dins los Nauts Pirenèus amb sa còla de caminaires es en granda dificultat financièra. En causa notadament : la baissa de las dotacions publicas... Parlam de 7 emplecs que son menaçats e d'una activitat essenciala sus aqueste territòri que risca de s'estancar. Per aquò multiplican las iniciativas per ensajar de se remontar : aprèp lo lançament d'un finançament participatiu, organizan un bal de sosten lo 23 de mai a Uelhons.
|
|
|
|
|
|
|
|
Oplo
|
L'Ofici public de la lenga occitana an botat recentament en linha una carta que recensa los lòcs d'aprendissatge e de descobèrta de la lenga occitana, aquò s'inscriu dins lor projècte L'Òc près de chez vous. Aquela mapa es collaborativa, e se basa tanben sus las donadas que tòrnan pojar de las associacions localas !
|
|
|
|
|
|
|
|
|
|
