|
|
|
|
|
|
Es pas encara l'estiu qu'aprestam ja la rintrada, al mens literària. Mas vos metèm çaquelà qualques datas que vos faràn barrutlar pel país duscas al mes d'agost, de parladissas leugièras en estagis intensius, en passant per fèstas, festenals e soscadissas collectivas.
|
|
|
|
|
|
|
📣 Qué de nòu a l'IEO OPM ❔
|
|
|
|
|
Ofèrta d'emplec
|
A l'IEO regional Occitània nos cercam un-a director-tritz novèl-a. Venèm de far paréisser l'anóncia sul nòstre site e lo de France Travail. Candidaturas esperadas abans lo 26 de julhet !
|
|
|
|
|
|
|
|
Encontres literaris 2026
Amb l'ajuda de la DRAC Occitania, prepausam cada annada a las associacions del malhum d'organizar d'encontres, d'intervencions e d'animacions literaris sens qu'aquò lor còste un centime.
|
Avèm lo plaser de vos anonciar que l'operacion se tornarà far en 2026. Sèm actualament a finalizar lo catalògue novèl de las autrises e dels autors que poiretz convidar, lo mandarem pro lèu. Ongan, son un vintenat a participar.
|
Mas en esperant, s'aquò vos interèssa d'organizar un eveniment literari dins la segonda mitat de l'annada, nos podètz ja contactar !
|
|
|
|
|
|
Servici civic
|
Se volètz aculhir un·a jove en mission de servici civic mas qu'avètz pas las autorizacions que cal, podètz passar per nosautres !
|
|
De fait avèm un agradament per assegurar lo portatge administratiu pel compte d'una estructura tèrça.
|
|
E venèm tot juste d'obténer de possibilitats d'acuèlh novèlas, vos ne cal profitar tre ara !
|
|
|
|
|
|
📰 Las actualitats del malhum regional 🌐
|
|
|
IEO 31
|
A Tolosa, l'ara tradicionala parladissa mesadièra en occitan èra orfanèla del cafè occitan La Topina, tampat en abril. Mas lo monde de l'IEO 31 an capitat de mudar los gatons al cafè Le Poinçonneur, dins lo barri Bonafé. Lo còp que ven es fixat al 24 de junh, totjorn per parlar la lenga a l'entorn d'un gòt. Dobèrt a totas e totes !
|
|
|
|
|
|
|
|
CCOA (81)
|
La fèsta de la Sant Joan d'Albi tòrna per la siá 52ena edicion ! Lo 27 de junh, plan de concèrts e de bals se tendràn dins lo parc de Ròcaguda mas tre la velha, lo 26, se faràn de causas amb la jornada dels dròlles puèi l'estrena d'una mòstra del collectiu artistic la PEL.
|
|
Lo programa complèt de l'eveniment es sul site del Centre cultural occitan d'Albigés, qu'organiza amb Albi Occitana.
|
|
|
|
|
|
|
|
|
Marpòc (30)
|
Ongan, l'Universitat occitana d'estiu organizada per la Marpòc carga una importància mai : es la cinquantena ! Per aquò lo programa d'aquesta edicion especiala prepausa de tornar sus 50 ans d'accion e de militantisme, a l'entorn de questions essencialas e d'intervencions requistas e de personas aitanplan de tria, vengudas d'Occitània e d'endacòm mai. Del 2 al 5 de julhet !
|
|
|
|
|
|
|
|
|
Estagi d'estiu del CCOR (12)
Coma cada annada, tòrna l'estagi d'estiu del Centre cultural occitan de Roergue (CCOR). Aquel d'aquí vos prepausa 3 jorns plan emplenats, amb de musica (acordeon, cabreta, fabricacion d'ancas), de dança, de cant, de lenga occitana en immersion. En mai d'aquò, i aurà de balèti e qualques talhièrs a costat, de cosina o de banastariá e una visita de la vila. La vila en question ? Rodés !
|
|
Atal, rendètz-vos la dimenjada del 15 d'agost al licèu Louis Querbes del caplòc d'Avairon !
|
|
|
|
|
|
|
|
|
|
|
IEO Aude (11)
Per vos metre l'òc e l'aiga a la boca, de collegians e de calandrons del parçan de Carcassona an trabalhat sus una seleccion de recèptas aisidas e localas, e n'an tirat un libreton de cosina. Lo vaquí publicat, dins la colleccion Farfadet de l'IEO d'Aude.
|
|
|
|
|
|
|
Avèm aprés lo 8 de junh la despartida de Joan Forièr, ancian president de l'IEO d'Aude, felibre, animator del cercle d'Esperasan, grand sabent de la val nauta d'Aude e fin coneisseire de la literatura occitana.
|
|
Lo president de l'IEO OPM, Eric Fraj, a escrit un omenatge mai complèt, de legir sul nòstre site.
|
|
|
|
|
|
|
|
|
💡 Per far conéisser vòstras accions (eveniments, parucions...) al demai de la ret IEO e al demai del monde, mandatz-nos de causas a danis@ieo-opm.com, e vos apondrem a la letra d'informacions lo còp que ven.
|
|
|
|
|
|
🌍 En defòra del malhum (mas pas tròp luènh)... 🪐
|
|
|
|
Universitat de La Guépia (82)
|
L'universitat campèstra de la riba de Viaur se'n tòrna a La Guépia del 8 al 12 de julhet, amb de corses, d'estagis, de talhièrs, de conferéncias, de mòstras, de passejadas, puèi tanben de moments mai festius coma de concèrts e de bals.
|
|
Lo programa es encara un còp ric e se pòt espepissar sul site de l'eveniment.
|
|
|
|
|
|
|
|
|
Estivada (12)
|
Al moment qu'escrivèm aquestas linhas, lo programa de l'Estivada de Sebasac, dins Avairon, es pas encara conegut, vos conselham de gaitar lor site. Las datas i son dempuèi un moment per contra : sabèm que serà los 24, 25 e 26 de julhet.
|
|
|
|
|
|
|
|
Escòla occitana d'estiu ( 47)
|
L'escòla occitana d'estiu de Vilanuèva d'òlt deròga pas a la règla de se debanar la tresena setmana del mes d'agost. Estagi intensiu o corses a la carta, demòra un bon biais de se botar a l'occitan o de se perfeccionar, e puèi de practicar, pendent una setmana de temps, dins mai d'un dialècte. L'EOE es tanben rica de sos talhièrs, conferéncias, sortidas... una setmana plan emplenada !
|
|
|
|
|
|
|
|
|
|
