|
|
|
|
|
Dintram dins la segonda mitat del mes de març, dintram doncas dins la sason de las primas occitanas, dels balètis de prima, de las corregudas de prima, d'AG de prima, dels dires de prima... Mais pas de déprime !
|
|
O tornam dire aquí qu'es nòstra actualitat primièra : l'AG de l'associacion se farà lo 05/04 mas vos pregam de vos marcar urgentament pel repais de miègjorn !
|
|
|
|
|
|
|
📣 Qué de nòu a l'IEO OPM ❔
|
|
|
L'informacion pus importanta per l'associacion es la tenguda de son AG annadièra.
|
Aquela d'aquí se debanarà lo dissabte 5 d'abril de 2025, a-z-Albi.
|
En mai del temps associatiu, lo programa de la jornada compren un repais, una passejada, una conferéncia e enfin un balèti.
|
|
-> Per reservar pel repais, mercés de vos marcar al mai lèu per retorn de mail !
|
|
|
|
|
|
|
|
Sèm en març, es doncas sortit lo Diari bimestral. Lo n°84 se vòl bolegant, en dintrant dins lo cercle dels dançaires.
|
Danças trad' mas pas sonque que, coma d'acostuma, farem fòrça passes de costat e figuras liuras...
|
|
E vos rapelam qu'es totjorn un bon moment per s'abonar a aquesta publicacion editada per l'IEO OPM !
|
|
|
|
|
|
|
|
📰 Las actualitats del malhum regional 🌐
|
|
|
|
|
Dempuèi 2008, l'IEO d'Avairon organiza la Prima Occitana, un temps d’animacions a l’entorn de la lenga e de la cultura occitanas. Ongan, se debana del 14 de març al 5 d'abrial a l'entorn de Marcilhac.
|
|
Al programa, concèrts, espectacles, parlòta, conferéncia...
|
Mai de detalhs sul site de l'IEO 12 :
|
|
|
|
|
|
IEO d'Òlt (46)
|
L'IEO d'Òlt ven de publicar Petites choses du Quercy, un suplement al recuèlh Sagesse du Quercy de l'Abbé Lacoste, sortit en 2024.
|
|
Totjorn transcrit e presentat per Joan Rigosta, aqueste suplement de 53 paginas es numeric e gratuit e se pòt legir sul site de l'IEO d'Òlt.
|
|
|
|
|
|
|
|
Ostau de la Sava al Toch (31)
|
|
|
L'Ostau de la Sava al Toch vos convida al Bal Trad' de la Prima lo dissabte 5 d'abrial a Legavin, per festejar la prima en dançar !
|
|
Tre 17h, poiretz participar a una iniciacion a las danças tradicionalas, seguida d'un repais tirat de la saqueta.
|
|
E a 21h, plaça al balèti amb lo duo Çubrana, compausat de Mickaël Vidal e de Victor Dreyfus.
|
|
|
|
|
|
|
|
|
💡 Per far conéisser vòstras accions (eveniments, parucions...) al demai de la ret IEO e al demai del monde, mandatz-nos de causas a danis@ieo-opm.com, e vos apondrem a la letra d'informacions lo còp que ven !
|
|
|
|
|
|
🌍 Aquò se passa en defòra... 🪐
|
|
|
La Passem !, la corsa de relai per l'occitan arriba dins Tarn !
|
L'eveniment se farà los 23 e 24 de mai mas en esperant aquela data, l'associacion organizatritz a besonh d'ajuda e de sosten financièr. Se pòt aderir, crompar un camiset o encara far un don sus HelloAsso.
|
En mai, elaborèron una plaqueta, plan faita, que presenta lo projècte e permet de ne venir partenari.
|
|
|
|
|
|
|
Un afar que sostenèm e que recebèt recentament lo sosten del secretari perpetual de l'Academia francesa Amin Maalouf : la peticion "Per una plaça vertadièra de las literaturas en lengas regionalas dins los programas escolars" es encara activa e a passat los 17 000 signataris. Es pas tròp tard per ne far partida.
|
|
|
|
|
|
|
|
|
|
