|
|
|
|
|
Aquí avèm de qué vos far sortir de la tuta duscas a la fin d'agost, mas avèm tanben de qué vos far legir sus papièr o sus ecran.
|
|
Seriá que saupèssem pas ont demoram ? Nani, es que la libertat, qu'es sus la talvera, se tròba tanben dins la causida !
|
|
|
|
|
|
|
📣 Qué de nòu a l'IEO OPM ❔
|
|
|
Lo Diari
|
|
Coma cada ana, Lo Diari càmbia de pèl. En aquesta sason tòrna (pel darrièr còp) una operacion annadièra, la publicacion d’un numèro fòra seria de nòstre magazine Lo Diari, especialament virat cap als joves. Es distribuit dins los licèus de las regions Occitània e Novèla-Aquitània mercés a l’Ofici public de la lenga occitana. E se pòt legir a gratis !
|
|
|
|
|
|
|
|
Lo CalenDiari
|
|
Dempuèi 3 ans, trabalham sus un projècte d’agenda global, participatiu, obèrt, amb per objectiu de prepausar una aisina evenimenciala de referéncia per tot çò que tòca a la cultura occitana. E ben Lo CalenDiari es oficialament aviat !
|
|
|
|
|
|
|
|
📰 Las actualitats del malhum regional 🌐
|
|
|
IEO d'Arièja (09)
|
|
D'aquesta passa l'IEO d'Arièja se tròba dins una plan marrida situacion financièra. Patisson del fèit que las votacions de las subvencions se fan de mès en mès tard çò qu'entraïna un problèma de mès en mès sensible de tresaurariá. La presidenta, Annia Wolf, convidava sos aderents a participar coma podián per ajudar l'estructura, e pensam que la crida se pòt alargar.
|
|
|
|
|
|
|
|
CCOR (12)
|
Lo CCOR, en partenariat amb lo Departament d'Avairon, tòrna prepausar ongan los estagis d'estiu que se debanaràn del 15 al 17 d'agost al licèu Louis Querbes a Rodés.
|
|
Avètz mai d'informacions dins la plaqueta, mas las inscripcions son tanben obèrtas en linha !
|
|
|
|
|
|
|
|
|
|
|
MJC L'Abribus / IEO d'Aude (11)
|
Lo Total Festum en Val de Danha 2025 se debana dempuèi lo 31 de mai fins al 4 de julhet dins 11 comunas d'Aude. Al programa, de concèrts e de balètis amb Eric Fourcadet, Nòre, Patin Couffin, Chromatonique, Camille en Bal, Coquelicot de Fogo, Rue Tatouille, Entre-là... ; de teatre amb lo Cercle Occitan de Fabresan ; de contes amb Malika Verlaguet et Florant Mercadier ; de talhièrs amb Mirelha Braç, la Jornada dels escolans, ... e lo fuòc de la Sant-Joan !
|
|
|
|
|
|
|
|
|
💡 Per far conéisser vòstras accions (eveniments, parucions...) al demai de la ret IEO e al demai del monde, mandatz-nos de causas a danis@ieo-opm.com, e vos apondrem a la letra d'informacions lo còp que ven.
|
|
|
|
|
|
🌍 Aquò se passa en defòra... 🪐
|
|
|
Festenal Aude Al País
|
Del 6 al 9 de junh, l'associacion Prom'AUDE organiza lo festenal Aude al país al Pargue de Gaujac a Lesinhan-Corbièras. Demest las nombrosas animacions (espòrt, torisme, mercat artesanal, bòria, restauracion, espectacles, concèrts, ...), un vilatge occitan serà present amb de rencontres, de lecturas, de talhièrs...
|
|
|
|
|
|
|
|
|
Universitat de La Guépia
|
L'Universitat Occitana de La Guépia (82) torna del 8 al 13 de julhet ! Un còp de mai, Lenga Viva vos prepausa una setmana d'estagis e de talhièrs de lenga, de cant e de musica, e un programa d'animacion plan ric : concèrts, conferéncias, presentacions literàrias, exposicions, aperitius, concors, passejadas, teatre, balètis...
|
|
Traparetz lo programa complet çai-jos:
|
|
|
|
|
|
|
|
Casting
|
Per un filme en costume (l'istòria se debana jos Loís XIV), una boita de produccion cerca 2 fraires joves que serián en capacitat de parlar en occitan. Son de ròtles pro importants e lo filme sortirà en salas. Se coneissètz qualqu'un podètz far virar. L'anóncia es dejós, amb lo mail per i escriure, o alara nos disètz quicòm e transmetrem.
|
|
|
|
|
|
|
|
|
|
|
