|
|
|
|
|
|
Quitament pas doas setmanas aprèp la newsletter precedenta, ne vos vaquí una autra ! Es que se passan un fum de causas d'aquesta passa. Amb mai que mai una data de reténer que nos pertòca totes e totas : las Carrièras occitanas a Vilafranca lo 25-26. Mai de detalhs sus aquesta protèsta bèla al pè de la letra. 👇
|
|
|
|
|
|
|
📣 Qué de nòu a l'IEO OPM ❔
|
|
|
|
Çò que i a de nòu es vosautres ! Per çò que de mai en mai de monde se marcan a aquela letra d'informacions, atal vos disèm mercés e benvenguda !
|
|
Mas sabètz qui sèm e çò que fasèm en defòra d'aquela letra ?
|
|
|
|
|
Vos convidam a anar getar un uèlh a nòstre site internet, i trobaretz un guida de las associacions, una carta dels corses per adultes e plan d'autras causas encara.
|
|
|
|
|
|
|
|
Intervencions literàrias 2025, marcatz-vos !
|
Vos rapelam que coma cada annada acompanham, en partenariat amb la DRAC Occitània, los rescontres e animacions literaris que se fan sul territòri regional. Per aquò avèm elaborat un catalògue amb una seleccion d'autors mobilizables, catalògue qu'es estat mandat a las associacions del nòstre malhum.
|
La tòca es que sèm nosautres que prenèm en carga totes los còsts d'aquelas animacions, es operacion blanca per l'assocacion organizatritz !
|
|
Adonc per valorizar l'escrit occitan, cal pas esitar de ne profieitar ! Per ne saber mai, contactatz-nos a contact@ieo-opm.com.
|
|
|
|
|
|
Serada Delpastre amb l'IEO 31
|
Rendètz-vos lo dimars 21 d'octòbre a la Cava Poesia de Tolosa !
|
Dins l'encastre del festenal Occitania, presentarem un numèro especial del nòstre magazine Lo Diari, dedicat a la poèta e escrivana Marcela Delpastre e elaborat amb l'IEO Lemosin.
|
|
Ausiretz tanben de la vida de "la Marcela" amb Miquèla Stenta que n'es biografa, e un pauc de son òbra amb l'espectacle D'una lenga l'autra de Monica Burg e François Dumeaux.
|
|
|
|
|
|
📰 Las actualitats del malhum regional 🌐
|
|
|
Monze en Òc (IEO 11)
|
Aquò se passa a Monze, dins Aude, los 13, 15 e 18 d'octòbre venents : un pichon eveniment a l'entorn de l'occitan dins aquesta comuna. Amb una mòstra suls contes, d'intervencions escolaras, lo Teatre de las Originas e lor Martror (es de sason) e enfin un bal amb Fresquèl.
|
|
Tot aquò se fa evidentament a l'iniciativa de l'IEO d'Aude !
|
|
|
|
|
|
|
|
Dictada occitana (COPC)
|
|
Vos agradariá d'organizar una dictada occitana ? Se fa tradicionalament en genièr e serà lo cas en 2026. Es lo Centre occitan del País Castrés (COPC) qu'assegura la coordinacion de totas las dictadas a l'escala panoccitana.
|
|
|
|
|
E recomandan de lor dire abans lo 22 d'octòbre se participaretz a aquela granda operacion que valoriza l'escrit en lenga nòstra !
|
|
|
|
|
|
CCOR (12)
|
|
L'Institut occitan d'Avairon (IOA) fan un trabalh remirable de collècta en vidèo de testimoniatges occitans. E voldrián qu'aqueste fons preciós foguèsse tanben accessible pel monde que parlan pas la lenga. Per aquò, lo Centre cultural occitan de Roergue organiza de talhièrs de traduccion, dobèrts a totes. Contactatz-los per i participar !
|
|
|
|
|
|
|
|
|
|
💡 Per far conéisser vòstras accions (eveniments, parucions...) al demai de la ret IEO e al demai del monde, mandatz-nos de causas a danis@ieo-opm.com, e vos apondrem a la letra d'informacions lo còp que ven.
|
|
|
|
|
|
🌍 En defòra del malhum (mas pas tròp luènh)... 🪐
|
|
|
Totes a Vilafranca de Roergue lo 25/26 d'octòbre !
|
|
Es l'eveniment occitan de la davalada : lo retorn d'una granda manifestacion unitària ! Una manifestacion... e plan mai, que lo programa sus 2 jorns mescla iniciacions a la lenga, passejadas, balètis, concèrts, conferéncias, soscadissas...
|
Darrièr l'idèa - simbolica - de la reconstruccion de l'ostal de Joan Petit aqueste eveniment vòl mostrar qu'existís una volontat populara per la lenga occitana. Una dimenjada manifestiva per nos donar de vam que n'avèm de besonh.
|
|
|
|
|
|
|
|
Un bus pel monde de Tolosa
|
L'organizacion nos faguèt saber que lo monde que venon de Tolosa an la possibilitat de préner un autobus, afretat per l'escasença. La bilheta ne còsta 9€ e farà l'anar-tornar dins la jornada del dissabte 25.
|
|
|
|
|
|
|
|
|
|
|
